ភ្នំពេញ៖ បន្ទាប់ពីបានចូលជ្រក នៅក្នុងទ្រំផលិតកម្មថ្មី គឺផលិតកម្ម Relode music អតីតតារាចម្រៀងប្រចាំ ផលិតកម្ម រស្មីនាគមាស កញ្ញា សុភ័ក្រ កុសុម៉ា ហាក់ទទួលបានប្រជាប្រិយភាព ឡើងវិញបន្តិចបន្តួច បើទោះបីជាបទចម្រៀងរបស់នាង នៅក្នុងផលិតកម្មថ្មីនេះ មិនទាន់លេចចេញជារូបរាង នៅឡើយនោះ ព្រោះកន្លងមក ប្រជាប្រិយភាពរបស់នាង ហាក់ស្ងប់ស្ងាត់ ខណៈនាងមិនទាន់រក បានទ្រនំផលិតកម្មណាមួយ ជ្រកនៅឡើយនោះ ។
ប៉ុន្តែបន្ទាប់ពីមានសញ្ញាថា តារាចម្រៀងស្រស់សោភារូបនេះ បានទ្រនំជ្រករួចមក គេសង្កេតឃើញថា ប្រជាប្រិយភាពរបស់ នាងហាក់កម្រើកឡើងវិញ ព្រោះគេបានឃើញបណ្តាញ សារព័ត៌មានក្នុងស្រុកមួយចំនួន ចុះផ្សាយពីរឿងរ៉ាវរបស់នាង ជាបន្តបន្ទាប់ ដូច្នេះគេអាចសន្និដ្ឋានបានថា កញ្ញា សុភ័ក្រ កុសុម៉ា កំពុងតែស្ថិតក្នុង ចំណាប់អារម្មណ៍ របស់មហាជន និងបណ្តាញសារព័ត៌មានផងដែរ ។
ដោយឡែកថ្មីៗនេះ មានប្រភពចេញពី អ្នកនៅក្នុងចង្កោមសិល្បៈ និងអ្នកកៀកកិតស្និទ្ធស្នាល ជាមួយស្រីស្រស់ សុភ័ក្រ កុសុម៉ា បានបង្ហើបប្រាប់គេហទំព័រ LookingTODAY ថា កញ្ញា កុសុម៉ា កំពុងតែមាន ទំនាក់ទំនងស្នេហា ជាមួយមនុស្សស្រីដូចគ្នា ។ ប្រភពដដែលបានបន្តថា នារីម្នាក់ដែលស្រឡាញ់កញ្ញា សុភ័ក្រ កុសុម៉ា តែងតែទៅជួបនាង នៅកន្លែងធ្វើការ គឺនៅក្នុងក្លឹបកម្សាន្ត C2 ស្ទើររៀងរាល់ថ្ងៃ ។ មិនតែប៉ុណ្ណោះពួកគេ មានភាពស្និទ្ធស្នាល ជាមួយគ្នាយ៉ាងខ្លាំងទៀតផង ដូចមនុស្សប្រុសមនុស្សស្រី ដែលជាសង្សារនឹង គ្នាថ្មីថ្មោងអ៊ីចឹង.. ។
ប្រភពដដែលខាងលើ បានបន្ថែមទៀតថា នារីម្នាក់ដែលស្រឡាញ់ កុសុម៉ា មានរូបសម្រស់ស្រស់ស្អាត និងជាកូនអ្នកមាន ទ្រព្យស្តុកទៀតផង ។ ព្រោះនារីរូបនោះ ជិះសុទ្ធតែរថយន្តទំនើបៗ មកជួបកញ្ញា កុសុម៉ា ។ លើសពីនេះទៅទៀត នារីរូបនោះ ក៏បានឲ្យលុយ និងរបស់របរមានតម្លៃ ទៅកញ្ញា កុសុម៉ា ទៀតផង ។
ប៉ុន្តែជុំវិញនឹងការបង្ហើបប្រាប់ ពីអ្នកនៅក្នុងចង្កោមសិល្បៈ ដែលស្និទ្ធស្នាលជាមួយ កញ្ញា សុភ័ក្រ កុសុម៉ា ពីរឿងរ៉ាវដ៏រសើបមួយនេះ គេមិនទាន់ដឹងថា ពិតប្រាកដយ៉ាងណានោះទេ ព្រោះនៅថ្ងៃទី ២ខែ កញ្ញា ឆ្នាំ២០១៣នេះ គេហទំព័រ LookingTODAY បានព្យាយាមទាក់ទងតាមទូរស័ព្ទ ដើម្បីសុំការស្រាយបំភ្លឺពីស្រីស្រស់ សុភ័ក្រ កុសុម៉ា ដែរ ប៉ុន្តែលេខទូរស័ព្ទរបស់នាង មិនអាចទាក់ទងបាន ខណៈដែលគេដឹងថា នាងកំពុងច្រៀងរាំ យ៉ាងសប្បាយនៅ លើទឹកដី អូស្រ្តាលី ជាច្រើនខែទើប ត្រឡប់មកវិញ ៕
0 comments