២លេខ រួចមកហើយ ដែល “អង្គរធំ” បានចុះផ្សាយអត្ថបទឆ្លងឆ្លើយគ្នា រវាងប្តីនឹងប្រពន្ធចោទគ្នាទៅវិញទៅមក ដោយភាគីប្រពន្ធបកអាក្រាតថា ប្តីបានប្រើផ្លែចេក ផ្លែននោង ផ្លែត្រប់ ដាក់ប្រដាប់ភេទនាង។ បន្ទាប់មក ភាគីប្តីបានបដិសេធ ដោយគំរាមប្តឹង។ ឥឡូវភាគីប្រពន្ធ ព្រមានធ្ងន់ៗថា ប្តីនេះធ្វើបាបនាង ហើយមិនទទួលកំហុស នាង នឹងប្តឹងទារជំងឺចិត្ត ៣.០០០ដុល្លារ ប៉ះប៉ូវកិត្តិយសដែលបាត់បង់...។
សូមរំព្ញកថា នាងស៊ុន សាវឌី អាយុ៣៩ឆ្នាំ រស់នៅភូមិព្រែកមហាទេព សង្កាត់ស្វាយប៉ោ ក្រុង បាត់ដំបង ខេត្តបាត់ដំបង ជាស្រីមេម៉ាយកូន២ បាន សាងស្នេហ៍ជាមួយប្តីក្រោយឈ្មោះធឹម សេរី អាយុ ៤១ឆ្នាំ បង្កើតបានកូនម្នាក់ទៀត ក៏ជួបភាពរកាំរកូស ចែកផ្លូវគ្នាទៅ។ នាងប្រពន្ធបានចោទប្តីថា ជាមនុស្ស ល្មោភកាម តែងប្រើផ្លែចេក ផ្លែត្រប់ ផ្លែននោងខ្នាត តូច បំពាក់ស្រោមអនាម័យ ដាក់ប្រដាប់ភេទនាងជា មុនសិន ទើបគេប្រើប្រដាប់ធម្មជាតិ ជាក្រោយ។ ឯភាគីប្តីក៏ឡងវិញថា លោកមិនដែលប្រព្រឹត្តអំពើ អាក្រក់យ៉ាងនេះទេ គឺអ្វីៗប្រពន្ធមួលបង្កាច់ទាំងស្រុង ហើយប្រពន្ធនេះ គឺជាដើមហេតុធ្វើឱ្យឪពុកក្មេកស្លាប់៘ បន្ទាប់ពី “អង្គរធំ” បានចុះផ្សាយលើកទី២ តាមបទសម្ភាសន៍របស់ប្តីមក បណ្តាលឱ្យនាងប្រពន្ធ ក្តៅគុម្ពត្រចៀកខ្លាំងណាស់ ក៏អញ្ជើញអ្នកយកព័ត៌មានយើងទៅជួប រួចបកអាក្រាតប្តីជាថ្មីម្តងទៀត ដោយដាក់ពាក្យបណ្តឹងទារជំងឺចិត្ត ៣.០០០ដុល្លារផង។
នាងស៊ុន សាវឌី រៀបរាប់ថា នាងកើតក្នុងគ្រួសារមួយដែលឪពុកជាអ្នកបើកយន្តហោះ ម្តាយជាមេផ្ទះ (ស្លាប់ទាំង២)។ រូបនាងជាកូនច្បង ក្នុងចំណោមបងប្អូន២នាក់ ធ្លាប់រៀនដល់ថ្នាក់ទី៨ នៃអនុវិទ្យាល័យនរា និង មានស្រុកកំណើតនៅភូមិកំពង់សំបួរ ឃុំសំរោងក្នុង ស្រុកសង្កែ ខេត្តបាត់ដំបង។ កាលពីអាយុ១៨ឆ្នាំ នាងបាន រៀបការជាមួយបុរសម្នាក់ឈ្មោះកែវ ពេជ្រ បន្ទាប់ពីជិះម៉ូតូបុកគ្នា ដោយចៃដន្យនៅមុខវត្តដំរីស។ ប្តីនោះ ធ្វើការខាងដោះមីន ដោយរួមរស់ជាមួយគ្នាបាន១៣ឆ្នាំ ក៏ចែកផ្លូវគ្នាដើរទៅ ដោយបង្កើតបានកូន២នាក់។ នាងក្លាយជាស្រីមេម៉ាយ បានមួយរយៈ ក៏មានទំនាក់ទំនងស្នេហាជាមួយបុរសម្នាក់ទៀត ឈ្មោះធឹម សេរី ដែល មានអាជីពជាគ្រូទាយ មកពីជំរំ។ គេមានស្រុកកំណើតនៅភូមិអូរញូរ ឃុំបឹងព្រីង ស្រុកថ្មគោល ខេត្តបាត់ដំបង។
នាងស៊ុន សាវឌី បន្តទៀតថា សេចក្តីស្នេហាចាប់ផ្តើមដំបូងគឺជួបគ្នានៅក្នុងផ្ទះសំណាក់យូរៗម្តង លុះ ក្រោយមក លោកធឹម សេរី ក៏នាំនាងទៅនៅជុំគ្នាឯផ្ទះរបស់គេ។ បុរសនេះ បានកុហកនាងថា ប្រពន្ធដើម របស់គេកើតមហារីកស្បូន ពុំអាចរួមភេទបានឡើយ ទើបគេទៅ ចាក់ថ្នាំរម្ងាប់អារម្មណ៍នៅប្រទេសថៃ កុំឱ្យតណ្ហាកម្រើកបាន ព្រោះប្រពន្ធឈឺ។ លុះទៅដល់ស្រុករបស់គេ ទើបដឹងថា ប្រពន្ធដើមរបស់គេជាស្រីល្បែង រត់ចោលប្តីសោះ ប៉ុន្តែ នាងជ្រុលខូចខ្លួន ទៅហើយ ក៏សម្រេចចិត្តយកគេជាប្តី ដោយបង្កើតបានកូនម្នាក់ទៀត ជាចំណងនិស្ស័យ។ ការរួមរស់ជាមួយគ្នាផ្អែមល្ហែមតែដំបូង លុះ នាងមានកូនខ្ចី ប្តីនោះមិនសូវនឹកនា បែរជាទុកនាងជាទាសីតណ្ហា និងសម្រាប់ប្រើឱ្យមើលកូនដើមរបស់គេទៅវិញ។ រំព្ញកពីរឿងទណ្ឌកម្មផ្លូវភេទវិញ ស្ត្រីជាភរិយានេះ ពោលទាំង ក្តៅក្រហាយថា ប្តីនេះ មានស្រីញីរាប់មិនអស់ លុះចូលមកដល់ផ្ទះ មិនសូវមានតម្រេកតណ្ហាជាមួយនាងទេ។ ពីមុន គេធ្លាប់តែបបោស អង្អែលថ្នាក់ថ្នមនាង លុះគេសម្បូរស្រី ក៏លែងថ្នាក់ថ្នម បែរជា បង្ខំនាងឱ្យបៀមប្រដាប់ភេទ ឯរូបគេ ដេកផ្ងារជង្គ្រាង ឱ្យប្រពន្ធ បម្រើ។ ជួនកាល គេទៅបេះផ្លែននោង នៅខ្ចីឡឹកមិនទាន់មានគ្រាប់ ជួនក៏ផ្លែត្រប់ ឬផ្លែចេកខ្ចី មកបំពាក់ស្រោមអនាម័យ បង្ខំនាងរួមរ័ក តាមទ្វារមាសនាង រហូតដល់គេសម្រេចតណ្ហា។ ជួនកាល គេ ធ្វើបែបនេះ ឱ្យមានអារម្មណ៍ពុះកញ្ជ្រោលសិន ទើបគេរួមរ័កតាម ធម្មជាតិ។ ឯរូបនាង ដោយខ្លាចកូនអត់ឪហៅ ក៏ចេះតែទ្រាំធ្វើ ទាសីតណ្ហាយ៉ាងនេះទៅ។ នាងមិនដែលវាយធ្វើបាបកូនដើមរបស់ គេ ដូចការចោទប្រកាន់នោះឡើយ ប៉ុន្តែ ថ្ងៃមួយ កូនម្នាក់នោះ វាជុះ អាចម៍ប្រឡាក់ពេញខ្លួន ទើបនាងចាប់ដៃម្ខាងរបស់វាយួរទៅលាងទឹកឱ្យ ស្រាប់តែប្តីចោទ- ប្រកាន់ថា ធ្វើបាបកូនគេទៅវិញ។ ឯរឿងឪពុកបង្កើតរបស់ប្តីនេះ ដួលស្លាប់ ក៏ព្រោះតែជំងឺ លើសឈាម ពុំមែនស្លាប់ដោយសារឈឺចិត្តនឹងនាង ជាកូនប្រសានេះឡើយ។ ប៉ុន្តែ នាងទទួល ស្គាល់ថា ធ្លាប់បានតបតជាមួយឪក្មេកខ្លះ ដោយសារបុរសចំណាស់នោះដៀលជេរនាងខ្លាំងពេក។
នាងស៊ុន សាវឌី បង្ហើបប្រាប់ថា ឥឡូវនាងបានដាក់ពាក្យបណ្តឹងទៅការិយាល័យប្រឆាំង ការជួញដូរមនុស្ស និងការពារអនីតិជន នៃស្នងការដ្ឋាននគរបាល ខេត្តបាត់ដំបង សុំទារជំងឺចិត្ត ពីប្តីនេះចំនួន៣.០០០ដុល្លារ ទុកចិញ្ចឹមកូន និងទាមទារឱ្យសមត្ថកិច្ចផ្តល់យុត្តិធម៌ដល់នាងផង។ ជុំវិញរឿងរ៉ាវចោទប្រកាន់គ្នាដដែលៗនេះ មានសាក្សីមួយចំនួនដែលកាន់ខាងនាងប្រពន្ធ បំភ្លឺថា ធម្មតាស្រី លុះត្រាតែដល់កមែនទែន ទើបហ៊ាននិយាយពីរឿងកេរ្តិ៍ខ្មាសប្រាប់គេឯង មិនដែលសុខៗទៅស្តោះកមាត់ដាក់ទ្រូងឯងនោះទេ។
រីឯសាក្សីខាងប្តី បាននិយាយថា រឿង អ៊ីចឹងៗមិនគួរនាងជាប្រពន្ធនេះហ៊ាននិយាយទេ ដោយចោទថា នាងសាវឌី ជាស្រីឥតកេរ្តិ៍ខ្មាស។ ដូច្នេះ ករណីនេះ អ្នកយកត៌មានយើងមិនហ៊ានអះអាងថា ខាងណាខុសខាងណាត្រូវនោះ ឡើយ ស្រេចលើមិត្តអ្នកអានពិចារណាតាមការគួរ ៕
0 comments