បុរសកាណាដា​លោត​សម្លាប់​ខ្លួន​ពី​បន្ទប់​ជាន់​ទី​៣ មិនដឹង​មូល​ហេតុ​ ផ្អើល​មនុស្សទាំង​ថ្ងៃត្រង់

រាជធានីភ្នំពេញ ៖ បុរសជនជាតិកាណាដាម្នាក់ បានលោតសម្លាប់ខ្លួន ពីបន្ទប់ស្នាក់នៅជាន់ទី៣ បែកក្បាល និងទក់ខ្លួនស្លាប់ភ្លាមៗ មួយរំពេចក្នុងថ្លុកឈាម ដែលមើលទៅគួរឱ្យរន្ធត់ បង្កឱ្យមានការភ្ញាក់ផ្អើល កាលពីវេលាម៉ោង១១និង៣០នាទីព្រឹក ថ្ងៃទី១៩ សីហា ២០១៣ ។

ផ្ទះសំណាក់ដែលជាកន្លែង បុរសជនជាតិកាណាដាលោត សម្លាប់ខ្លួននេះ យីហោ យ៉ុងហួត ស្ថិតនៅអគារលេខ២១ ផ្លូវ១៤៩ សង្កាត់ផ្សារថ្មីទី៣ ។ បុរសជនជាតិកាណាដាដែលស្លាប់នេះ ឈ្មោះ Brown Martin អាយុ៦៤ឆ្នាំ ស្នាក់នៅបន្ទប់លេខ៣០៤ ជាន់ទី៣ នៃផ្ទះសំណាក់ខាងលើ ធ្វើជាគ្រូបង្រៀន នៅវិទ្យាស្ថានពេញនិយមមួយ... ។

គេពុំទាន់ដឹងពីមូលហតុដែលបណ្តាលឱ្យបុរស កាណាដាម្នាក់នេះ លោតសម្លាប់ខ្លួនឡើយ ប៉ុន្តែបើតាមអ្នកឃើញហេតុការណ៍បានឱ្យដឹងថា បុរសកាណាដាម្នាក់នេះ បានបើកបង្អួតរបស់ខ្លួនលោតដាំក្បាលចុះមកក្រោម ទើបបណ្តាលឱ្យបោកក្បាលខ្ទេច និងទក់ខ្លួន ហើយស្លាប់ភ្លាមមួយរំពេច ។ ពេលនេះប៉ូលិសកំពុងតែទៅកាន់កន្លែងកើតហេតុ ដើម្បីធ្វើកុសលវិច័យ និងត្រួតពិនិត្យហេតុការណ៍ស្វែងរកមូលហេតុ ៕

បញ្ចូលអត្ថបទ ៖ បុប្ផា កោះ

ផ្តល់សិទ្ធដោយ កោះសន្តិភាព