នារី​ថ្លើម​ពាសមេឃ​ហ៊ាន​រត់ពន្ធ​អាភៀន​តំលៃ​ជាង​២​លាន​ដុល្លារ​

នាង Michaella McCollum Connolly​អាយុ​២០​ឆ្នាំ និង​នាង Melissa Reid​អាយុ​១៩​ឆ្នាំ មកពី​ប្រទេស​អង់គ្លេស ត្រូវ​បាន​ប៉ូលិស​ចាប់ខ្លួន​នៅ​ប្រទេស​ប៉េរូ បន្ទាប់ពី​ដឹង​ថា ពួកគេ​បាន​រត់ពន្ធ​អាភៀន​ទម្ងន់​៦​គីឡូក្រាម ដែល​មាន​តំលៃ​ជាង​២​លាន​ដុល្លារ​ពី​ប្រទេស​ប៉េ​រូ ចូល​ទៅ​កាន់​ទីក្រុង Madrid​ប្រទេស​អេស្ប៉ាញ។
យោងតាម​សេចក្តីរាយការណ៍​ពី​កាសែត Daily Mail​បាន​ឲ្យ​ដឹងថា ​ការ​សារភាព​របស់​នារី​ជាប់ចោទ​ទាំងពីរ​នាក់ នៅ​មិនទាន់​ផ្លូវការ​១០០ ភាគរយ​នោះ​ទេ ដោយសារតែ​មិនទាន់មាន​អ្នកបកប្រែ។
នាង Reid​ដែលជា​អតីត​អ្នក​បម្រើការ​នៅក្នុង​ហាង មកពី Lenzie​ជិត​ទីក្រុង Glasgow និង​នាង McCollum Connolly ដែលជា​អតីត​អ្នករាំ មកពី​ទីក្រុង Dungannon​នៃ​ខេត្ត Tyrone ត្រូវបាន​ចាប់ ខ្លួន​កាលពី ថ្ងៃ​ព្រឹក​ថ្ងៃ​អង្គារ ខណៈពេលដែល​ពួកគេ​ត្រៀម​ឡើង​ជើង​យន្តហោះ Air Europa ពី​ទីក្រុង Lima​ទៅ កាន់​ទីក្រុង Madrid​គឺ​នៅ​មុន​ពេល​ពួកគេ​ឡើង​ជិះ​ជើងហោះហើរ​ទី​២ ដើម្បី​ដល់​គោលដៅ​ចុងក្រោយ​របស់​ពួកគេ​នៅ កោះ Majorca ប្រទេស​អេ​ស្ប៉ាញ។
លោក​វរសេនីយ៍ត្រី​ Manuel Siclla​ដែល​ជា​មន្ត្រី​ស៊ើបអង្កេត​ករណីនេះ បាន​ថ្លែង​ឲ្យ​ដឹងថា យើង​នឹង​តាមដាន រឿង​នេះ​ឲ្យបាន​ដិតដល់​បំផុត ហើយ​តុលាការ​របស់​ប្រទេស​ប៉េ​រូ មានច្បាប់​តឹងរ៉ឹង​ខ្លាំង​ណាស់។ លោក បាន​បន្តទៀត​ថា អ្នក​ទាំងពីរ​មិនកើត​អ្វី​នោះ​ទេ ប៉ុន្តែ​ពួកគេ​មានការ​ព្រួយបារម្ភ​ច្រើនពី​ក្រុម​គ្រួសារ ក៏​ជា​អនាគត​ខ្លួន​ដែល​ត្រូវ​ដេក​ក្នុង​គុក៕
_____________________
ប្រភពព័ត៌មានពី៖ កម្ពុជាថ្មី