រសជាតិនៃអាហារនីមួយៗមានគុណប្រយោជន៍ និងគុណវិបត្តិដល់សុខភាពរបស់យើង។ ថ្ងៃនេះ អាយញ៉ូវសូមលើកយកពីគុណវិបត្តិមកបកស្រាយជូន៖
- រសជាតិផ្អែម៖ ការទទួលទានជាតិស្ករច្រើនអាចនាំមកនូវជម្ងឺទឹកនោមផ្អែម និងអាការខ្សោយខួរក្បាលនេះនៅមិនទាន់និយាយអំពីជម្ងឺធាត់ដែលធ្វើឱ្យរូបរាងរបស់អ្នកលែងស្រស់ស្អាតទៀតផង។
- រសជាតិហឹរ៖ អាហារហឺរអាចចាត់ទុកជាមូលហេតុនៃជម្ងឺក្រពះ និងធ្វើឱ្យអាស៊ីតហូរច្រាលបណ្តាលឱ្យកើតដំបៅនៅក្នុងក្រពះ ជាពិសេសសម្រាប់អ្នកដែលមានជម្ងឺឬសដូងបាត បើញ៉ាំម្ទេសច្រើនហួសកម្រិតបណ្តាលឱ្យរោគកាន់តែធ្ងន់ធ្ងរ។
- រសជាតិជូរ៖ ក្រៅពីធ្វើឱ្យងាយឆ្អុលពោះ ហើយវាក៏ជាមូលហេតុនៃការបំផ្លាញដង់ស៊ីតេឆ្អឹង និងធ្វើឱ្យស្រទាប់ធ្មេញសឹករេចរឹល ហើយជាពិសេសអាចបំផ្លាញប្រព័ន្ធទឹករងៃឱ្យធ្វើការរអាក់រអួលពេលមានដំបៅមិនងាយសះស្បើយ។
- រសជាតិប្រៃ៖ អំបិលចំនួនច្រើនធ្វើឱ្យសម្ពាធឈាមឡើងខ្ពស់ត្រូវធ្វើការធ្ងន់ធ្ងរជាងប្រក្រតីរហូតក្លាយជាជម្ងឺ តម្រង់នោមរ៉ាំរៃ នៅទីបំផុតក៏បង្កឱ្យកើតជាជម្ងឺជាច្រើន ដូចជា គ្រួសក្នុងតម្រង់នោម និងជម្ងឺទឹកនោមប្រៃជាដើម៕
.jpg)
0 comments