រាជធានីភ្នំពេញ ៖ជនសង្ស័យម្នាក់ដែលពាក់ព័ន្ធនឹងករណីឃាតកម្មលើជនរងគ្រោះជា ប្អូនស្រីជីដូនមួយ រួចរត់គេចខ្លួនអស់រយៈពេល៥ឆ្នាំ ត្រូវបានកម្លាំងសមត្ថកិច្ចការិយាល័យព្រហ្មទណ្ឌកម្រិតធ្ងន់នៃស្នង ការដ្ឋាននគរបាលខេត្តសហការជាមួយការិយា ល័យកណ្តាលនគរបាលរាជធានីភ្នំពេញអនុវត្តតាមដីកា ធ្វើការចាប់ខ្លួនកាលពីថ្ងៃទី៣ សីហា ២០១៣ នៅរាជធានីភ្នំពេញ រួចបញ្ជូនទៅកាន់ស្នងការដ្ឋាននគរបាលខេត្តកសាងសំណុំរឿងបញ្ជូនទៅ តុលាការចាត់ការតាមច្បាប់។
លោកវរសេនីយ៍ទោ គង់ សុខន នាយការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ត បានឱ្យដឹងថា ជនសង្ស័យដែលសមត្ថកិច្ចចាប់ខ្លួននេះគឺអនុវត្តតាមដីកាបង្គាប់ឱ្យ ចាប់ខ្លួនរបស់សាលាដំបូងខេត្តលេខ១៨៦ព្រ.ទ/១១ ដោយលោកអ៊ុំ ឆវត្តិក៍ ចៅក្រមស៊ើបសួរសាលាដំបូងខេត្ត។ ជនសង្ស័យដែលសមត្ថកិច្ចចាប់ខ្លួនឈ្មោះសោ ថុក ភេទប្រុស អាយុ២៩ឆ្នាំ រស់នៅភូមិតាណន់ ឃុំក្រាំងស្នាយ ស្រុកឈូក ចំណែកក្មេងស្រីរងគ្រោះឈ្មោះវ៉ាត ស្រីពៅ អាយុ១២ឆ្នាំ ។
លោកនាយការិយាល័យព្រហ្មទណ្ឌកម្រិតធ្ងន់ឱ្យដឹងទៀតថា មូលហេតុដែលបណ្តាលឱ្យគេសម្លាប់ប្អូនស្រីជីដូនមួយដោយសារខឹងនឹង នាងនិយាយគម្រោះគម្រើយដាក់ខ្លួន ទើបចាប់នាងបោកផ្ទប់នឹងជើងតាងផ្ទះចំនួន២ដងបណ្តាលឱ្យស្លាប់នៅ លើផ្ទះរបស់នាងតែម្តង។ បន្ទាប់ពីបង្កហេតុរួចជនសង្ស័យបានរត់គេចខ្លួនបាត់រហូត ទើបតែថ្ងៃទី៣ សីហា ២០១៣ នេះទើបចាប់ខ្លួនបាន៕
0 comments