រាជធានីភ្នំពេញ ៖ កាលពីវេលាម៉ោង៦ព្រឹក ថ្ងៃទី៤ ខែ សីហា ឆ្នាំ ២០១៣ មានការភ្ញាក់ផ្អើលមួយ ដោយប្រជាពលរដ្ឋបានបានប្រទះឃើញសាកសពទារក ដែលគេយកមកបោះចោលនៅគំនរសំរាម មុខមន្ទីរពេទ្យកាល់ម៉ែតស្ថិតនៅចំណុចមហាវិថីព្រះមុនីវង្ស កែងនឹងវិថីនគររាជ ក្នុងសង្កាត់ស្រះចក ខណ្ឌដូនពេញ ។
តាមការសន្និដ្ឋានបានឲ្យដឹងថា ទារកនេះទើបនឹងកើតប្រហែលជាង ១ សប្តាហ៍ប៉ុណ្ណោះ និងមានទម្ងន់ប្រហែល ២ គីឡូក្រាម។ តាមការគូសបញ្ជាក់របស់ប៉ូលិសបានបង្ហាញថា ទារកនេះស្លាប់ដោយសារមាននរណាម្នាក់ចាប់ បោកផ្ទប់នឹងវត្ថុរឹងបណ្តាលឱ្យបែកមុខ និងក្បាលខ្ទេច រួចយកមកបោះចោលក្បែរគំនរសំរាមមុខមន្ទីរពេទ្យកាល់ម៉ែត។ តែទោះជាយ៉ាងណាក៏មិនទាន់មានប្រភពណាអះអាងបញ្ជាក់នៅឡើយដែរ ៕
0 comments